| 啤梨's profile✲．｡◕‿◕｡ ·♡ cato's☃·° 私物語...PhotosBlogLists |  Tools  Help |
✲．｡◕‿◕｡ ·♡ cato's☃·° 私物語．° ｡.ღ･.｡✿.｡...¤¸¸.·´¯`·.¸·.>>--»tomorrow is another day«---<<·.¸¸.·´¯`·.¸¸.¤... |
||||||||||||||||||||||||||||
January 07 THE END 可能真係到左ENDING 既時候,越黎越唔知點咁,黎黎去去都果個問題,根本都解决唔到既,MAYBE 人地都跟本無林過去解决.
好煩好煩,,次次一唔心就心都痛埋,唉.....我已經無晒安慰自己既理由,CONTINUE OR NOT? December 06 12月6日 每次病都會覺得好惊，好惊自己突然間消失係呢個世界。
日日食一大堆藥，好似食飯甘，食完個人又好唔精神，完全都唔想食其他野啦，幾時先可以身體健康呢？
尋日去醫院睇病，超多人！你話有病幾慘呢，定時定候仲要去醫院報到，你話一個唔該大病都唔知醫唔醫好，抑或係穩個角落死鬼左距算啦。
今日同AMY 探討過呢個問題，覺得人真係好脆弱，今日唔知聽日事，分分鍾突然訓低就甘就一世，就甘就無左。距話距老細個妹，岩岩結婚，生左個BB，突然發現身體N種問題，甘就入左ICU，一個星期用左40萬，宜傢都未出得翻黎，分分鍾就甘去左，個BB連媽咪係咩樣都未見過。最已經係個媽咪同先同我甘大咋。所以話，都係對自己好D，襯後生，有氣有力快d做多D自己想做既野，睇多呢個世界幾眼，咪先聽日無啦啦輪到自己訓ICU都起碼無咩遺憾先。
AT LAST，就到年尾，我希望到2010年，可以擺脫果個鬼地方，我真係唔想再留係度，最起碼為左自己身體著想！！ November 02 11月1日 忍左成日,好辛苦,翻到屋企仲要比啊媽問長問短,真係忍唔住係甘流眼泪.唔知點解覺得好委屈,真係好委屈,好唔開心...
打比amy,傾電話傾到點几鍾,係甘係度喊,真係頂唔順...其實我今日真係好想同你講,點解呢個月,大家過得甘唔開心,係咪我林太多,定係你變左,又或者係我變左啊?我問AMY,其實係咪我有問題.但係AMY 同我媽咪講d野一模一樣既,我真係唔識答距地. AMY問我點解唔同你講,因爲我覺得如果我講出黎,搞到大家都唔開心,甘樣好似好HURT甘,搞到大家都唔開心.所以今日就算我几唔開心,我都對住你笑,我都無發脾氣,因爲大家又唔係成日見,如果見到仲嘈,我覺得甘遠去到,真係好無謂.妳都明知有D野我好CARE咖啦,你仲摞黎講笑,我都唔知究竟你係講真定講笑?甘岩你真係唔覺意講左出黎姐,如果我唔提起,你又無講甘你係咪真係同人出街啊? 你以前都唔係甘既,點解你宜傢會變成甘既? 我以後都唔知點面對你,我都唔知同你講咩好,我唔知你想點啊,我唔知你真定假,我覺得再甘落去我會癡綫咖.....點解會甘? AMY 話其實我跟本唔需要同你講任何野,因爲距知我同距呻完,我就唔會再同你講翻呢件事.距好了解我既性格,距覺得如果大家甘繼續落去,不斷累積既失望就會變成絕望,終于有一日我都會死心. 其實本來呢份感情好需要2個人去維持,到左宜傢,我覺得好攰...
見到FRAN 既簽名:离开不懂得欣赏自己的人，这就是最华丽的转身 突然間,好認同呢句話! October 31 10月31日 有時真係覺得自己既角色好多餘,總係覺得自己完全唔比人當係一回事
唔知點次次都係甘,我覺得我只係需要比人求其臨時INFORM下就得咖啦,一條MESSAGE 就得咖啦,唔需要其他野,唔理我既答案係YES OR NO,我都要去接受你既安排
突然間,我覺得有好多問題:距離 地位 安全感
有時有D野真係發生左就發生左咖啦,就好似塊鏡甘,爛左黏翻都會有裂痕咖!! 發生左就發生左,真係唔可以好似以前甘,可能真係翻唔到轉頭. MABYE,因爲我既缺點係太好記性.
我唔想AMY口中講既果一日會到來,但係宜傢我覺得我越黎越無信心繼續落去..
我林唔到要改簽名的理由,可能真係要等到幸福出現果一日....
October 24 10月24日 好勤力甘UP 多一篇日志，無辦法，真係好得閑！！！ 去到我最愛的窮遊网睇游記，嘻嘻。。 見到呢一條貼，西藏-尼泊爾之行。。。
每次一睇到呢D貼，都會好羡慕人地點解可以去D 甘靚既地方，5555555 其實我覺得西藏係人生中一定要去既地方，但係需要既除左一大筆錢之外呢仲要AT LEASE 一個月既時間。。我林，成世人，要儲1W唔難，難在你點先可以有一個月空餘既時間呢？其實我身邊都識得好多人去過西藏，但係距地多數都係為左去呢度而辭職，或者係轉工後再去！因此，我都應承我自己，如果有日我穩到新工，我一定即刻走，我寧願豪左呢個月糧比死人SCHENKER我都寧願去西藏。。
上面有句話講得幾好： “每年出行一次，滋养着来年的365日。” 每次回憶翻去旅行既野，真係好開心咖。。
=.= 無辦法啦。。。我都知我係無得救咖啦。。我係好爛玩咖啦。。。
但係我真係好需要部單反，唔知幾時先可以帶距翻屋企！唉。。。好快就又一年啦。究竟我係决定下年讀書，定係繼續甘去旅行，繼續儲錢買單反呢？我發覺，每日已經煩滿到嘔既工作同埋勁壓抑既情緒，已經唔係一年去一次長途旅行可以釋放得到！
睇唔到圖片就用我個 ID 蜜蜜啤梨 12345678
好靚好靚既婚紗相 今日AMY 比左一條LINK 我，係距個F 既SPACE。上面擺住人地既結婚相，真係好靚好靚啊。。。 睇完真係好有幸福既感覺啊！
 睇怕呢輯相都起碼2W UP。 我林BB 知道後應該即刻唔相結婚。。哈哈。。
但係都非常感嘆PS 的威力，現實既真人同相入面真係2個版本啊，簡直係化腐朽為神奇！ 點解，我學過D PS完全唔記得晒。。。。
PASTE左過黎，唔知會唔會非法操作呢 ！
October 20 我们都是双面人 尋日中午食飯，係77GO 睇到呢張熱貼。。之前已經有人同我講過好好睇，于是點左入去，點知睇到上左隱。尋晚翻屋企，一直睇到差唔多一點，我留埋言先訓。。之後成晚我都訓唔着，林左好多野，都流左好多眼泪，死啦，我會唔會又有D甘既遭遇咖？
岩開始睇過陣，覺得好得人驚，因爲個男主角同女主角既情况實在同我太相似啦。睇到我心都荒埋，我係度林，唔知平時BB 係果邊係咪好似呢個男既甘PK，瞞住我做甘多衰野呢。個POINT係個男主角都已經對個女好好咖啦，根本睇唔出有咩唔妥咖，起碼我就唔知BB 甘多野，咩PW 果D我全部都唔知，唔好話去CHECK 呢樣CHECK 果樣。如果唔係有果一次既漏洞，我林個女主角根本唔會發現距甘多衰野，亦都係因爲呢個男既甘衰，搞到個女既邊到後黎甘。。 其實呢4年入面，我都預唔少呢D “影帝”級既人，我只係想講，一係你咪做，做左就預左比人發現，只不過係時間既問題。如果你係甘，我勸你不如真係用你僅餘既人性，話我知其實你係甘，費事晒大家時間啦。因爲我地既距離，真係要你好識做先得咯，有D野如果下下都要我講出聲，我真係好無安全感，覺得好惊。
本來林住PLACE 晒成個故事出黎，不過因爲太長啦，所以都係比條LINK 比有興趣既人睇啦，其實真係好好睇，好睇過TVB D 劇咖。。
October 08 10月8日 今日已經係假期既最後一日啦...好似唔覺唔覺,傻更更甘就過完呢個假期,點都好..悶死都好過翻工做死...........
呢2晚都失眠訓唔着添,可能林得太多,好多野煩添... 其實好多時,問題唔出現,得過且過根本唔會發現有唔妥.但係有時一D好小既事發生左,而你又處理得唔好,甘咪出事咯.就係甘,所有唔好既野,所有缺點就會一下子出晒黎咖啦...係眼入面,缺點就無限放大,優點就一個都睇唔到.而偏偏係呢個時候,就會出現好多選擇,你根本唔知應該揀邊個,因爲好惊揀錯翻唔到轉頭.
AMY講得岩既,可能係我做得太多,其實我值得被對待得更好..或者到左呢個時候,我地都應該好好甘為以後打算下啦....
林得太多,一句都寫唔出添........
聽日係我25歲生日啦,祝自己生日快樂先.... 由聽日開始,我都要對自己既人生負責啦. September 14 9月14日 今日突然好想轉LOOK,好有衝動去拉翻直D頭髮距,不過距甘長,拉翻直唔知會唔會長得有d恐怖呢....
今日收到EMAIL,威廉居然將我手頭上1/3的JOB 分左出黎比兩個仔仔,真係好SURPRISE!不過有D擔心以後可能會因爲太得閑而悶死? 最近總是覺得威廉變得好人左,成個人都NICE左好多,就好似我岩岩入公司甘....... 其實係咪應該值得開心呢>?
其實本來好期待既野,今日竟然因爲某人完全無做功課覺得好失望.宜傢簡直完全提唔起興趣添......哎.......我真的不想比任何意見.... September 13 My holiday (CAMBODIA+KUALA LUMPUR 2009.09.04-2009.09.12) 尋晚8点15分,飞机翻到CAN AIRPORT,又系我平翻工日日经过既地方.话甘快7日既假期就甘结束左啦,时间过得真系快.......
今次系我第一次出國,當然好多野都好新鮮,但系好奇怪,我完全一D都唔惊,可能有FRAN 帶住,系呢度都要感謝距照顧左我呢個大細路7日甘多...嘻嘻
成個旅程好長好長,我唔詳細去講啦,具體就睇片啦,我會UPLOAD 翻d相咖啦..不過唔該唔好追我摞相,我要慢慢搞....但系呢個TRIP我真系睇到好多野,有得意好玩既野,有新奇古怪既野,總之A LOT A LOT 啦.......
首先講下CAMBODIA比我既感覺.其實我地淨系去左SIEM REAP(ANGKOR WAT的所在地,唔好意思,我唔識打個中文 =.=!) 同首都金邊.SIEM REAP系一個好正,發展好成熟既旅游城市,到處都系游客(勁多日本人),所以大家完全唔需要擔心.系呢度主要語言系英文,但系我好佩服當地人,從街邊一個賣野既小朋友到TUK TUK 司機,全部都識講多國語言.首先,距地會問你系邊度黎既,然後就會用翻你既語言同你講野,好犀利咯,我覺得系中國任何一個旅游城市都做唔到甘啦.人地為左穩食真系可以好努力,呢種精神真系好值得我地學習咖... 不過呢,我同FRAN都好壓抑.首先呢,我系柬埔寨都未比人當過系CHINESE,反正D人都當我系日本人 =.= ,好汗咖...總之距地永遠都系估我系日本人,然後估系韓國人,無人估我系中國人咯.我去買野,坐TUK TUK,D人永遠都系同我講日文.到最後,算啦..我都唔想去CLARIFY 到底我系邊度人,直接講日文系啦...我同FRAN曾經林過不如食完飯唔比錢,然後話我地系日本人算啦...嘻嘻...但系FRAN 比我仲壓抑,唔知點解距永遠都系比人認爲系CAMBODIAN,哈哈...笑死我..4日既行程,連我地HIRED 既TUK TUK 司機都中意左距,好想距留系CAMBODIA喔...哈哈..林起都覺得好笑..
其實雖然話CAMBODIA系一個貧窮既國家,但系當地既消費都唔低咖,我覺得同CAN 差唔多咯,食餐飯可以几十蚊咖.不過,我地都好慳,因爲要買手信比大家啊嘛.
但系住方面,我覺得OK,尤其系SIEM REAP既GUEST HOUSE,系金邊果間就好垃圾啦...完全唔想提,唯一就系多鬼,可以養下眼..
玩果方面,都系SIEM REAP最正,ANGKOR WAT,女皇宮,同崩密列系一定要去既三個地方咯,因爲真系好正好正,尤其系崩密列,我同FRAN都好中意,好有探險FEEL,好原始,正啊!! 至于ANGKOR TOWN既其他TEMPLE,其實都系差唔多..因爲好多建築都DAMAGED,所以真系睇唔出D乜.. 但系非常可惜,我地都睇唔到日落同日出,反正就好似SET ALARM甘,每日日出同日落既時候,距就暴雨,然後就暴曬.... =.=
講翻KUALA LUMPUR(吉隆坡).其實以前系馬仔既時候我都系做MY同SIN 既PORT,所以其實呢度既人同事對于我來講唔陌生.以前覺得距系一個好CHEAP既國家.但係點都估唔到,距地既CURRENCy 竟然係人仔既2倍,後來林左下,可能係同距係一個伊斯蘭國家有關. 係KUL兩日既時間,我地都無去到邊度玩啊,就係去TWIN TOWER望左下,搭火車同輕鐵遊左下個城市,SHOPPING ..但係我感覺,呢個城市好似香港,完全係一個SHOPPING既城市,但係買野,我覺得都係香港好. 但係有樣野值得一讚,KUL既野非常好食,有間餐廳叫SECRET RECIPE,我好中意距啊,曾經同FRAN 林過,點解距唔開係CAN既,D野好食得黎,又唔貴,係KUL基本上好容易穩到.
最後,我覺得飛機真係一個好容易認識异性既地方.大家唔好誤會,唔係講緊我... 首先,係CAN-KUL既呢程機,我發覺坐我隔離既一PAIR 陌生人,居然係TA著左既..
係KUL-CAN呢程機,我同FRAN成功幫SOPHIE(一個我地係呢個TRIP識既女仔)識到一個男仔喔,几有成就感.希望距同藤井先生可以發展下啦.嘻嘻........
旅行好開心,但係都係睇同邊個人一齊去咯....希望下次我隔離果個係BB啦......
 呢一刻爲止我都仲處于放緊假既狀態,聽日翻工,對于我來講真系好陌生..ANY\WAY,I HV TO EARN MONEY FOR MY NEXT STATION .....
September 01 9月1日 差唔多出發啦..終于都FEEL到有少少興奮,尋晚執行李,發覺自己要帶既野原黎好多,原本一個我覺得好大既書包,居然比我塞滿晒,真係有d誇張....
頭先係度睇啊左的論壇,發覺距真係好鬼衰咖,成日都係度荼毒我地,周圍去玩,搞到我都好想去添.........咦..........
 所以我發覺我係儲唔到錢咖,因爲我實在太中意周圍去啦,ANYWAy,我都係會實現我細時既夢想既...
今日,係壓力底下,我終于走左去上磅.確實我係重左既....... 所以我岩岩都同自己講,聽日開始,就算再唔開心都唔好再用食野黎發泄啦,好易肥咖....  希望去完旅行翻黎會瘦翻D啦.August 26 七夕 好攰,好攰....今日又行左一日啦.....
今日係七夕,其實以前都唔覺得係咩野喔..唔知點解近呢兩年呢無啦啦又邊多左日情人節,MAYBE係D 老細摞黎做下綽頭甘啦..但係今日係條街度,見到好多人摞住花喔.去到我個F公司,見到有人渣住扎好靚既紅玫瑰,真係好靚咯....原來人大左真係會變咖! 以前呢,我都唔會話好中意呢D野,今年情人節,即繫係2月14呢,見到好多人送花喔,真係几靚咖喔,死啦..連我都中意埋一份添,好汗啊真係..... =.= !!
但係,我覺得收花係開心,不過都要睇下係邊個送....如果果個人同我無咩關係,或者我唔中意距,距送比我我都唔係几想要........嘻嘻..
August 24 又發作. 我發覺每次AMY 總係出現得好及時,我得閑果陣,距都會得閑,我地會同一時間甘同大家講.... ----------"好壓抑啊!!!"
然後我地發現,最近,唔知點解最近好容易好想發脾氣,有時我自己都驚,死啦..突然間甘萌爭,又突然間大食左,果日食飯仲覺得有d手鎮,唔係病發啊嘛?!好擔心我再係度做可能有日真係翻發,好討厭啊... >.<
唔單止甘,最近果個中意SHOPPING既我又翻翻黎..我發覺我就係一個甘樣既人,越唔比我做果d野我越係想去做.成日唔比我出街,買野,我會癡綫咖..呢排睇<絕代商嬌>啊佘果個角色簡直係我以前既寫照,一唔開心就中意係甘買野,無乜事我都中意出街行轉先翻... 翻工辛苦,我放工咪去行街咯....個個星期我都會買件衫比我自己,以前d f 話我d衫基本上都唔會覺得會重複,係咯..多啊嘛....我細個既志願係大個賣衫咖....但係最近,我為左慳錢,基本上過去呢半年我都好少買衫比自己..有時打開個衫櫃見到來來去去都係果幾件衫,我都覺得有D厭,去到hk見到大減價我都唔買,果個邊係我黎咖...... 真係忍得好辛苦!!上星期某日真係覺得好壓抑,我係度林,究竟我甘係為乜呢,搞到自己甘唔開心為乜呢... 基本上每日放工我都會經過五月花樓下果間C&E,日日係甘望住,其實我好想沖入去買翻對.....真係好想好想買翻對C&E.........
今日我同SANDY 講起國慶放8日假,甘岩我生日,不如乾脆請ANNUAL,放足11日.唔知點解我一D都唔覺得開心.自從21歲生日之後,自從距之後,我都無再好開心甘過個生日.但係每年我都會買好多衫,買新鞋比自己..今年,無新衫無新鞋,變左個新MON,哎......... August 20 8月20日 真係講都唔信,呢排都唔係一般既唔好彩,其實我都無成日型住啊...甘事實上係黑啊嘛.......
講翻尋日,一大早起身排隊睇醫生,去到都係8點15分,點知已經排到15號,唔係挂....督手指都等左半個鐘,係度呆坐,刨晒成本SUNDAY,終于到我,點知個教授話我白血球太低,又唔知點左我去CHECK 乜,搞到12點几先睇完,最慘係下星期仲要睇多次,哎..又要請假啦.開左一堆藥比我食,仲食得多過平時.望就望下星期睇完無事啦,咪先我林又要一個月見距一次,我唔想甘啊,挂號費好貴啊......
中午翻屋企食左D野,下午就趕住去FRAN度摞翻本護照然後去馬來西亞大使館簽證,大熱天時,真係曬到暈,搭部810 居然係天河撞車,仲要係正2個車站既中間,行去邊一邊都好想喊..... 几經波折,終于去到,點知個前臺同我講話淨係上午辦簽證,下午唔搞.嬲死我,即刻唔中意呢個國家.D匯率都係輕輕多人仔一個DOUBLE姐,使唔使趕串啊,藥本人黎簽已經好麻煩啦.前日打比距又唔見距講喔.無辦法唯有今日再去多次.一大早去到,差10分鐘都藥趕我出黎喔.最經典都係接下來既.我埋去簽證,點知距同我講要咩出入境證明喔,即係要機票甘上下既野啦,我當時邊會帶係身啊,前臺又唔講,無理由我又來多次咖,唯有去隔離果間旅行舍PRINT張登機證明比距睇啦.之後距又話淨係KUL果個唔夠哦,要曬全部喔... =.= 又要走去PRINT,跑來跑去,搞到9點半先搞掂.原先林住9點一搞完就即刻翻工咖嘛....哎........ 無拉拉搞到我用多幾十蚊.以後都唔去馬來西亞啊,咪使旨意我去多次添啊.
去到搭機場BUS,等15分鐘先有,哇..中途仲要塞車,翻到機場已經11點啦....好在威廉無鬧咋.......如果距要我補假紙,我即刻請埋個半日翻屋企啊..
翻到去凳都未座,個電話已經係甘響..... 睇下D EMAIL,真係想全部變成已讀,睇都唔鬼睇啊... 經過一個中午既努力,D EMAIL 終于比我睇曬. 開始覺得今晚有望唔使OT,點知........一到三點,啊HEIDI已經習慣性甘出現然後發癲,係甘比距轟炸D KLU/VIE都算啦,連UK距都要理咖,封封都關距事,我都唔想复距啦...講來講去都講果D.复得距黎,其他EMAIL 已經以每分鐘5封甘既速度係甘入啦..失控啊真係,唔係講笑,超多BOOKING啊,我個F問我,其實我地係咪計提成,點解甘多野做,我心林,係就好啦,我發左達啦.....輕輕唔翻一日工就甘,兩個星期后既今日,我就行開5日,翻到來可能MAIL BOX都爆埋,無陰功!!! 哎........ ANYWAY,最後,我都係好安心甘OT.. 好在,下星期開始果2隻牙已經唔係我,點都好,值得開心,哈哈.........
今晚翻到屋企差唔多9點,好在,媽咪都整左芝痲糊比我食,唔知點解最近好想食,因爲最近睇左篇野話食得芝痲糊多會皮膚好D,所以要食多D先得,嘻嘻..補翻下,辛苦左成日,要好好錫翻下自己先得咖..
尋日終于都决定左唔買個新MON住,因爲計左下都驚去CAMBODIA呢個行程會几大洗費,我仲唔能够真係用曬我全部積蓄,所以林左好耐都係擱置個MON.係呢度真係好多謝啊L,辛苦距幫我HOLD住個MON先,等10月份出糧再買啦...就係甘,個新MON就做左我今年自己送比自己既生日禮物,=.= 有D搞笑咯.......
不知不覺已經過左2個星期啦,已經2個星期無見過BB啦...好想見下距,好想攬下距,BUT,又要等到下星期,每一日我都想時間過得快D,快D可以到下星期..........
August 16 8月16日 終于都睇曬敗犬女王,都係HAPPY ENDING 啊,點解之前大家都話個結局好差既......
其實個故事几感人咖,再一次證明呢個世界上真係無咩係無可能咖,所以,我都好睇好我同BB,無論其他人講咩,我都係甘信任距,都係甘中意距呢隻傻豬,嘻嘻.....
August 10 8月10日 今日真係好慘啊.....由翻工果一分鐘開始到放工都係未停過咖...無時間食早餐,中午都係求其食左少少野,然後就開始密密手甘做野,到放工果陣居然覺得只手都痛.數左下居然掉左20個BOOKING出街,早知上星期六返來陪啊娜OT啦... T.T 做死人!!
不過可能因爲呢個WEEKEND好開心所以就算今日甘多野做,我都完全無發脾氣,無掉電話.因爲我越來越發覺其實BB係好錫我,好關心我咖 ^.^ 每次林起距個傻樣,我都覺得好好笑..... 嘻嘻..
尋日發現HK 已經有好多野係ON SALE啦,可惜,可惜....我唔可以入去睇,真係痛苦!!
睇左下居然仲有3個星期先過完呢個八月,真係漫漫長路啊,唔知幾時先可以再見到BB啦...... 貧窮的八月唔該你快D過啦! August 06 8月5日 其實我都唔知點解同一個問題，可以一次又一次甘發生，其實有時我係咪應該體諒下你呢？其實究竟係咪我自己林得太多呢？
尋晚，果句說話之後大家就已經無講過野，我唔係嬲，我係唔識答你，我唔知應該點接落去。我好想知，究竟你林緊咩野，我係你心目中係點呢。
我地平時已經好少機會見面，翻工我唔可以穩你，放工你又唔一定得閑，好難得大家都ONLINE，講幾句搞到甘不歡而散，我覺得好傷心咯。。其實一直以來
有好多野我都好想講，但係我都唔敢講，因爲我好驚，我一講你就會放弃，我都唔知應該點做。
家美同我講，距好開心我可以穩到一個我自己中意既人，希望我地真係可以開花結果，行到最後。其實我都好希望，但係我自己都無信心以後會係點，
同樣，我都比唔到答案家美。
最後，我好想多謝一個人，每次，距係我極度無聊，唔開心既時候，距點都會理我，陪我傾計，講下笑話TUM下我。我開始認同RACHEL講既野，其實
啊銘真係好好，我好感動。 July 30 77月30日 已經一個星期無同距講過野啦(迫于無奈果2次唔計),唔知距點呢,做緊咩呢,我無穩距唔知距有無唔慣呢,唔知距有無掛住我呢...............
算啦,當距無啦...唔好再林啦 July 26 7月22日 本來有好多野都想講,但系過日听完個電話,就咩都唔想在講.我覺得你做到甘明顯,如果我再去CLARIFY,我自己都覺得自己CHEAP......或者BB講得岩,由得距咩都唔好講,費事最後唔開心既都系自己,自己又唔系無,求其UP 下頭身邊大把啦,使咩甘委屈自己....但系,我都系追求下自己既幸福姐,我都系想穩個我覺得好既人姐,點解個結局會系甘呢.
其實好唔想就甘放弃咖,努力左甘耐!!我喔,我做主動喔,邊有可能既事情啊... 自己做到甘,我都覺得好難堪.......
既然距甘唔想我穩距,我咪唔穩咯,費事搞到大家都唔開心啦. 但系以後,無咩事我都唔想再直接同距講電話,唔知點解,一林起就忍唔住系甘流眼泪. 我同我自己講,我要比心機,我要比心機離開果個鬼地方..................
March 20 好想透下气 辛苦，辛苦。。。好想稳个地方透下气。。。
个个星期行山，都会不断留意，睇系有无地方适合大叫发泄既。。可惜。。。STIL UNDER SEARCHING......
我唔想自己一唔开心就食。。。 March 15 我唔要甘样。。。 最近发觉自己好讨厌。。好容易发脾气，究竟我做乜野。。 我都唔想咖，每次发完脾气，我都有反省过，究竟我做乜野，点解我会发脾气！！无他既，来来去去都系果D原因。D客烦，做野果D人又唔想做甘，人地PUSH我，我PUSH人地又唔彩我，甘我点啊，我除左发自己烂咋我仲可以点。。日日你做到停唔到手，讲电话讲到喉咙痛，月尾出粮都得过少少钱，仲要系一出粮就月尾。与此同时，坐系你隔离个日日欢到上网睇小说，番工等放工，人工居然系你2倍。比着你，你仲想唔想做。。仲有乜动力做落去啊。。 我统计过，我入左呢间野之后，发脾气既次数真系多过我系过去既23年。。  YAN姐问我，如果比你做SALES你会点。因为同大部分唔了解我既人一样，距地都觉得我忍唔到。其实，有D野真系估我唔到，曾经，我都做过SALES。仲要系非常之掂果只。唔好话我个人现实，系外资公司做耐左有甘既心态好正常。你要知道，你既人工同你既付出系成正比既。相反地，如果你比SALES既人工我，甘我咪做到SALES既野咯。你比果少少钱，态度当然系甘上下啦。我好清楚我自己系个咩人，无野系做唔到既。同样地，无话边个人适合做D咩野，边个人唔适合做D咩野，或者做唔到D咩野。当你份工威协到你既饭碗既时候，无论点你都要林办法去做好距，系咪？其他人我唔知，起码我系甘样既人。过去既经历证明，其实我真系得既，而且会令你觉得好惊讶！！ ANYWAY，我唔想再见到自己发脾气，甘样我会好辛苦，我会好心疼我自己。我已经不断安慰自己，慢慢来，唔好心急，可能时机未到。我相信总有一日，我既坚持会感动到个天，总有一日我会走出深渊，总有一日我会有好日子过。 小公主，你要忍忍忍忍忍忍。。。。。。。。。。。。。。。。。。 December 29 沙扒养猪2日游 今个WEEKEND终于都同家美去左沙扒湾。。好难得，出到团！嘻嘻。。。而且甘大个女，第一次去温泉，虽然感觉麻麻，不过都过得去啦。。有得第一次就有第二次咖啦。。。哈哈！！
好耐之前就听人讲沙扒湾好正，好好玩。其实我对沙滩本身就好麻麻，因为我根本唔会落水。所以夏天去同冬天去我都觉得无分别。至于D人话去食海鲜，我觉得果度D海鲜又唔算话太平，同广州差唔多咯。不过我想讲，呢两日根本就系沙扒2日养猪团，每日除左食，都系食，早餐都未消化就话食中午啦。中午未完就晚饭，晚饭岩过又话宵夜。救命！！第二日，真系食到我胃痛唔系讲笑！！睇翻D相，全部都系野食来既。。究竟我地仲有无得救？！哈哈。。。。。不过令我印象最深刻的都系果个叫反沙薯既野，真系好好食，好想打包。我同家美翻到来都仲好挂住，稳日真系要系广州好好食一次。
今日中午，公司都系出去食饭。好TERRIBLE,老细竟然去食狗肉，其他送都系焖鸭，内脏果D，全围台都无边几样我可以食到。食完都好似无食过饭甘。翻到来，同ATHENA两个周围稳野食，唉！！中午食唔饱，周身都唔舒服。SERVER又DOWN埋，咩都做唔到，我地除左食仲可以做D咩啊。。。点解寻日果餐同今日会差甘远！！
December 25 sweet X'mas又到圣诞啦，原先林住寻晚就UPDATE下，不过因为太夜翻屋企，唯有等到今日。。 FIRST OF ALL,Happy Chrismas & Merry New Year!!(似乎今年很流行呢句野，呵呵） 话甘快又一年啦，好快过，我今日不断系度回忆，究竟上年X'mas 我系点过既呢？完全无印象。唔理啦，今年过得开心就得啦。 寻日同CRT倾QQ，知道距为左准备一个好UNFORGETABLE既X'mas eve比S，亲自下厨，整鸡，整CHEESE CAKE，买礼物。。注意，距系翻完OVER NIGHT，觉都无训就系准备呢D野。依家呢个世界，呢D男人，绝种拉。我觉得除左羽羽之外，你真系我遇到既第二个咯。见到距做甘多野，虽然我唔系主角，但系听到觉得感动，觉得SWEET。CYT，我果然无睇错人，你真系一个好好既男人。于是我得出一个结论，以后稳男朋友一定要稳天蝎座既！有时候，可能遇到个自己心爱既，适合既人真系好难，车，楼，钱到左呢个时候真系唔再重要！好好珍惜眼前人啊！！S，如果我系你，嫁比距啦,唔好学我甘，一世后悔啊！ 最近我对自己有个要求，就系无论咩时候都笑住去面对所有野，令自己开心D。因为我发觉，成日唔开心，成日愁都无鬼用。笑多D，心情好D，靓D，话唔定有运行添，呵呵～～KEEP GOING，C！ 虽然今年圣诞，我都系SINGLE，虽然我见唔到最想见既人，最想收到既礼物都未到手，但系起码我知道距有准备到，系未得闲罗比我姐。甘样我已经好开心啦。我重来都相信距，系讲过就会去做咯，唔似得某D人，无品！衰野唔讲。。 寻晚同家美，SOPHIA去NEWAY 唱K，3个傻婆系甘系度影相，无奈，太肉酸啦，唔好意思POST上来。呵呵！！WEEKEND会同家美PLAN 去沙扒湾，好在呢几日回暖拉，希望今个星期会去得成拉。 有样野唔知好彩唔好彩，最终，我都系比人捉翻去跳舞，呢几晚系度练翻，唔知系咪太耐无跳，依家周身都好鬼痛。算。。我忍，当减肥。。BUT，最近，想去学跳舞既林法又出翻来。。好奇怪，旧年同一时候我又系做紧D甘既野。。。呵呵！！ BTW，多谢家美的X'mas gift，好鬼SWEET！！ December 23 主题:做情侣做到甘都无话可说了----个女劲顶瘾
|
|
|||||||||||||||||||||||||||
|
|
